[Gerlanet] Fræðsluerindi á Keldum. Magnús Gottfreðsson. Inflúensufaraldrar í fortíð og nútíð.

[Sigurður H. Richter]

Þessi póstur er sendur tengiliðum við stofnanir, fyrirtæki, félög og hópa,
til að kynna fræðsluerindi sem haldin eru á Tilraunastöðinni að Keldum.
Vinsamlegast áframsendið með tölvupósti eftirfarandi upplýsingar til ykkar
fólks.

                                                  

Fræðsluerindi á Tilraunastöð Háskóla Íslands í meinafræði að Keldum.

 

Fyrirlesari:  Magnús Gottfreðsson prófessor við læknadeild Háskóla Íslands
og sérfræðingur við smitsjúkdómadeild Landspítalans.

Heiti erindis:  Inflúensufaraldrar í fortíð og nútíð.

 

Erindið verður haldið fimmtudaginn 19. maí, kl. 12:20 í bókasafni
Tilraunastöðvarinnar. 

 

Heimsfaraldrar inflúensu geisa að jafnaði tvisvar til þrisvar á hverri öld,
en þess á milli gengur árstíðarbundin inflúensa um heimsbyggðina. Nýir
stofnar inflúensuveira eiga oftast rætur að rekja til suðurhvels jarðar, þar
sem nábýli manna, svína og fugla er mikið. Sýnt hefur verið fram á að
dánartíðni af mörgum sjúkdómum eykst í kjölfar inflúensufaraldra, meðal
annars kransæðastíflu, heilablóðfalls og lungnabólgu.

Hin svonefnda Rússaflensa gekk í Evrópu árið 1889 en sennilega hérlendis
árin 1890 og 1894. Næsti heimsfaraldur var Spánska veikin, skæðasta drepsótt
sögunnar sem lagði að velli allt að 50 milljónir manna um víða veröld og
olli miklu mannfalli hérlendis í nóvember 1918. Sjúkdómsmyndin var sérstök,
alvarleg lungnabólga með öndunarbilun og jafnvel blæðingum hjá ungu og
hraustu fólki. Ástæða þess er enn ráðgáta. Talið er að 1-3% þeirra sem
sýktust hafi látist af völdum Spánsku veikinnar. Hér á landi tókst að hindra
útbreiðslu veikinnar til Norður- og Austurlands sem er fádæmi, en ýmis gögn
benda til að veikin hafi komið aftur fram árið 1921 á þeim svæðum sem sluppu
árið 1918.

Næstu tveir heimsfaraldrar, Asíuflensan 1957 og Hong Kong flensan 1968 voru
vægari og umframdánartíðni <0,1% meðal sýktra.

Næsti heimsfaraldur inflúensu, svonefnd svínaflensa af H1N1v stofni, kom
fyrst fram í Mexíkó í mars 2009 og barst til Íslands í maí, en
Alþjóðaheilbrigðisstofnunin lýsti yfir heimsfaraldri í júní sama ár. Hér á
landi náði útbreiðsla veikinnar hámarki í október og nóvember og olli hún
miklu umframálagi á heilsugæslustöðvar og sjúkrahús, þrátt fyrir
bólusetningar og notkun veirulyfja. Þrátt fyrir að svínaflensan væri væg í
samanburði við Spánsku veikina 1918 vekur athygli að veikin kom verst niður
á börnum, ungu og miðaldra fólki. Þurftu um 130 sjúklingar að leggjast inn á
Landspítala vegna hennar og vistuðust 16 á gjörgæsludeild.

Með sívaxandi mannfjölda og ferðalögum getur smit með nýjum stofnum
inflúensu borist hratt heimshorna á milli. Náið þarf að fylgjast með
veirusmiti í fuglum og svínum. Vöktun í mönnum þarf einnig að vera virk og
viðbrögð skjót, en meðalvegurinn milli ýktra viðbragða eða athafnaleysis
heilbrigðisyfirvalda getur verið vandrataður. Auka þarf þekkingu okkar á
hvað veldur mismunandi ónæmisviðbrögðum við inflúensu og stytta þarf
þróunar- og framleiðslutíma bóluefna.

 

________________________________________________________________

 

Sigurður H. Richter

Tilraunastöð H.Í. í meinafræði að Keldum

Símar 585 5100 og 896 5811

 

-------------- next part --------------
An HTML attachment was scrubbed...
URL: http://listar.hi.is/pipermail/gerlanet/attachments/20110517/bea81eeb/attachment.html 
-------------- next part --------------
A non-text attachment was scrubbed...
Name: not available
Type: image/jpeg
Size: 7619 bytes
Desc: not available
Url : http://listar.hi.is/pipermail/gerlanet/attachments/20110517/bea81eeb/attachment.jpe