[Gerlanet] Doktorsvörn í líffræði (örverufræði) í dag kl. 13

[Viggó Þór Marteinsson]

	Doktorsvörn í líffræði frá raunvísindadeild Háskóla Íslands

	Aðgengi að fjölbreytileika hitakærra örvera og gena þeirra með sérstökum 
	auðgunaraðferðum 

Mánudaginn 20. desember fer fram doktorsvörn við raunvísindadeild Háskóla 
Íslands. Þá ver Cédric F.V. Hobel MSc. Biotech doktorsritgerð sína ?Access 
to Biodiversity and New Genes from Thermophiles by Special Enrichment 
Methods? (Aðgengi að fjölbreytileika hitakærra örvera og gena þeirra með 
sérstökum auðgunaraðferðum). Andmælendur verða Dr. Joel J. Querellou  
forstöðumaður hjá IFREMER Brest og Dr. Guðni Á Alfreðsson prófessor við 
Háskóla Íslands. Athöfnin hefst kl. 13:00 í Hátíðasal Háskóla Íslands, 
Aðalbyggingu og er öllum opin. Dr. Hörður Filippusson forseti 
raunvísindadeildar stjórnar athöfninni.

Leiðbeinendur við doktorsverkefnið eru Dr. Jakob K. Kristjánsson forstjóri 
Prokaria og Dr. Viggó Þór Marteinsson, Prokaria.  Í doktorsnefnd situr 
ásamt leiðbeinendum Dr. Guðmundur Óli Hreggviðsson dósent við HÍ.  
Verkefnið var unnið á rannsóknastofu Prokaria.

Almennt er talið að einungis sé hægt að rækta og einangra  minna en 1% af 
öllum örverum sem eru til staðar í náttúrunni.  Til að nálgast þau 99% sem 
eftir eru verður að nota sameindalíffræðilegar aðferðir og auka 
fjölbreytni í sýnatöku en doktorsverkefnið fjallar meðal annars um þetta. 
Verkefninu má skipta í þrjá hluta. Í fyrsta hluta er fjallað um 
örverufjölbreytileika í tveimur heitum jaðarvistkerfum (Extreme 
environments).  Erfðagreiningar voru gerðar á sýnum úr jarðhitaborholum og 
á sýnum sem voru tekin við neðansjávarhveri á 400 m dýpi við Grímsey. Í 
báðum tilvikum sýndu niðurstöður fram á  mikinn örverufjölbreytileika og 
tilvist nýrra hitakærra örvera.  Í öðrum hluta verkefnisins voru nýjar 
ræktunaraðferðir notaðar til að auðga fyrir örverum með sértæka 
eiginleika. Auðgað var fyrir örverum sem brjóta niður sterkju í 
brennisteinsríkum hver. Með því að skima ræktirnar með sértækum  
kjarnsýruþreifurum tókst að einangra kjarnsýruraðir 18 nýrra 
sterkjuensím-gena en aðeins eitt þerra kom fram í örveruþekjum sem mynda 
megin lífmassa hversins. Blönduð aðferðafræði var notuð til að skoða 
fjölbreytileika  kítínasagena í örverum sem lifa í strandhverum þar sem 
sjávarfalla gætir við Reykjanes í Ísafjarðardjúpi. Unnt var að einangra 36 
ný kítínasagen úr auðgunum og örveruþekjum. Niðurstöðurnar sýndu fram á að 
hægt sé að veiða út ný og verðmæt gen úr náttúrunni með markvissum 
auðgunum sem byggja á samþættingu in vitro og in situ aðferða. Í 
lokahluta verkefnisins var genamengi hitakæru sjávarbakteríunnar 
Rhodothermus marinus skimað fyrir kítínasageni. Genið var síðan einangrað, 
klónað og tjáð og genaafurðin hreinsuð. Ensímið reyndist vera 
hitastöðugast allra kítínasa sem hafa fundist í raunbakteríum og geta 
breytt kítínfjölliðum í tvíliður. Doktorsritgerðin byggir á  safni fimm 
greina sem hafa verið birtar eða bíða birtingar í alþjóðlegum, ritrýndum 
tímaritum á sviði örverufræða eða líftækni. Einnig voru niðurstöðurnar 
grundvöllur að einni einkaleyfisumsóknar. 

Cédric F.V. Hobel (franskur, f. 1977) lauk stúdentsprófi  (Baccalaureat) 
frá Lycée Bartholdi í Colmar 1994, próf í lífefnafræði frá University 
Louis Pasteur, Strasbourg, 1996 og M.Sc. prófi í líftækni/frumu- og 
sameindalíffræði frá  European School for Biotechnology of Strasbourg, 
1999. Foreldrar Cédrics eru Yvan og Marie-Reine Hobel, sem búa í 
Kientzheim, Frakklandi.




********************************
Með góðri kveðju,

Jónína Helga Þórólfsdóttir 
Verkefnastjóri
Markaðs- og samskiptadeild
Háskóli Íslands v/Suðurgötu
Sími: 525 4207 / 898 4451
joninath at hi.is
_______________________________________________
Hi-starf mailing list
Hi-starf at hi.is
http://listar.hi.is/mailman/listinfo/hi-starf

-------------- next part --------------
An HTML attachment was scrubbed...
URL: http://listar.hi.is/pipermail/gerlanet/attachments/20041220/b304498f/attachment.html