<div align=center><font size=6 face="Calibri"><b>Ævispor</b></font>
<br><font size=4 face="Calibri"><b>Útsaumsverk Guðrúnar Guðmundsdóttur</b></font></div>
<br>
<br><font size=2 face="Calibri"><b>Laugardaginn 30. janúar verður sýningin
<i>Ævispor – útsaumsverk Guðrúnar Guðmundsdóttur </i>opnuð í Bogasal Þjóðminjasafns
Íslands. Á sýningunni má sjá útsaumsverk Guðrúnar sem hún hefur unnið með
gömul handrit og forn útsaumuð klæði að fyrirmynd. Verk Guðrúnar eru tilkomumikil
og hafa sterka skírskotun í listrænan arf og þjóðlegar hefðir Íslendinga.
Þau eru dæmi um hvernig íslenskar konur í nútímanum nýta sér menningararfinn
og sýna vel hvernig hefð og nýsköpun fara saman. Sýningin er liður í þeirri
stefnu safnsins að endurspegla samtímann og tengsl hans við
gamlar hefðir. </b></font>
<br>
<br><font size=2 face="Calibri"><b>Samhliða sýningunni verður úrval útsaumsverka
úr fórum safnsins til sýnis á 3. hæð. Útsaumurinn er frá 17., 18. og 19.
öld og sýnir ómetanlegan arf íslenskrar handmenntar.</b></font>
<div align=center>
<br><img src=cid:_1_0B748EF00B748AF0003AC464002576BA></div>
<p><font size=2 face="Calibri">Guðrún Guðmundsdóttir fæddist í Garðhúsum
í Garði árið 1930 og ólst þar upp. Hún er dóttir hjónanna Guðmundar F.
Eiríkssonar útvegsbónda í Garðhúsum og Jennýjar K. Júlíusdóttur frá Bursthúsum
á Miðnesi og er næstelst sex systkina. Snemma hneigðist hugur Guðrúnar
til handmennta en það varð til þess að hún fór til Reykjavíkur og hóf nám
í kvöldskóla. Jafnframt náminu í Handíða- og myndlistaskólanum lærði
Guðrún að taka mál og sníða föt. Guðrún er einstaklega næm á litasamsetningar
og form og eru óteljandi þær flíkur, saumaðar, prjónaðar og heklaðar sem
hún hefur unnið fyrir sig og sína.</font>
<br>
<br><font size=2 face="Calibri">Guðrún Guðmundsdóttir hefur saumað 26 veggmyndir
í stramma eftir eigin hugmyndum, 20 þeirra má sjá á sýningu Þjóðminjasafnsins.
Síðustu tvær myndirnar lauk hún við í haust er leið. En þá eru ekki taldar
með ótal minni myndir, veggklæði, rúmábreiður o.fl., sem hún hefur saumað
um ævina. Þar á meðal eru tvö klæði sem hún saumaði eftir þekktum útsaumsverkum
í Þjóðminjasafninu, þ.e. riddaraklæðinu svo kallaða og annarri rúmábreiðu
frá 17. öld. </font>
<br>
<br><font size=2 face="Calibri">Guðrún hefur undanfarin 25 ár stundað ættfræðirannsóknir
en þetta áhugamál varð kveikjan að nýjum útsaumsmyndum. Sem dæmi má nefna
Ættarklæði Guðrúnar, en þar má meðal annars sjá æviágrip Guðrúnar, þar
sem hún teiknar fríhendis og saumar út atburði úr lífi sínu, ásamt reitum
með nöfnum ættingja hennar.</font>
<br>
<br><font size=2 face="Calibri">Með bestu kveðju,</font>
<br><font size=2 face="Calibri">Helga Vollertsen</font>
<br><font size=2 face="Calibri">Kynningarstjóri</font>
<br><font size=2 face="Calibri">Þjóðminjasafni Íslands</font>
<br><font size=2 face="Calibri">v/Suðurgötu</font>
<br><font size=2 face="Calibri">101 Reykjavík</font>
<br><font size=2 face="Calibri">s. 5302222/gsm 8242039</font>