<div align=center>
<br><font size=5 face="Calibri"><b>Leiðsögn um sýninguna <i>Ása G. Wright
– frá Íslandi til Trinidad</i></b></font></div>
<p><font size=2 face="Calibri"><b>Sunnudaginn 13. nóvember kl. 14:00 mun
Inga Dóra Björnsdóttir mannfræðingur veita leiðsögn um sýninguna <i>Ása
G. Wright – frá Íslandi til Trinidad.</i> Á sýningunni getur að líta hluta
þeirra gripa sem Ása gaf safninu á 7. áratug síðustu aldar. Margir gripanna
hafa ekki verið sýndir áður. Inga Dóra ritaði nýja ævisögu Ásu, <i>Kona
þriggja eyja,</i> sem kom út í haust. Aðgangur er ókeypis og allir velkomnir.</b></font>
<div align=center>
<p><img src=cid:_1_092F05EC092F0204004BB63400257688></div>
<br><font size=2 face="Calibri">Áslaug Guðmundsdóttir, eða Ása G. Wright,
fæddist að Laugardælum í Ölfusi 12. apríl 1892. Hún lést í Port of
Spain á eynni Trinidad í Karabíska hafinu 6. febrúar 1971. Líf hennar var
sannkallað ævintýri frá því hún var ung læknisdóttir á Íslandi þar til
hún á efri árum rak gistiheimili í náttúruparadís á hitabeltiseyju. Persónuleiki
Ásu var stór í sniðum, hún lét hendur standa fram úr ermum og er
hverjum þeim eftirminnileg sem henni kynntust. Hún var af fyrirmönnum
komin og var ákaflega stolt af uppruna sínum og ætt og vildi halda minningu
ættarinnar á lofti. </font>
<p><font size=2 face="Calibri">Ása var velgjörðarmaður Þjóðminjasafns Íslands
og gaf safninu hluta búslóðar sinnar ásamt veglegri fjárupphæð. Árið
1968 var stofnaður minningarsjóður Ásu Guðmundsdóttur Wright. Sjóðurinn
er í vörslu Þjóðminjasafns Íslands og er ætlað að standa straum af heimsóknum
erlendra fræðimanna til landsins, til að flytja fyrirlestra á vegum safnsins
um þætti í norænni menningu. Fyrirlestrar sjóðsins hafa verið gefnir út
í sérstakri ritröð. Nýjasta ritið, sem er númer þrettán í ritröðinni, ber
heitið <i>Islands fine sølv </i> en ritin eru, líkt og <i>Kona þriggja
eyja,</i> fáanleg í safnbúð Þjóðminjasafnsins.</font>
<p><font size=2 face="Calibri">Með bestu kveðju,</font>
<br><font size=2 face="Calibri">Helga Vollertsen</font>
<br><font size=2 face="Calibri">Kynningarstjóri</font>
<br><font size=2 face="Calibri">Þjóðminjasafni Íslands</font>
<br><font size=2 face="Calibri">v/Suðurgötu</font>
<br><font size=2 face="Calibri">101 Reykjavík</font>
<br><font size=2 face="Calibri">s. 5302222/gsm 8242039</font>