<div align=center>
<br><font size=5 face="sans-serif"><b>Ása G. Wright – frá Íslandi til
Trinidad</b></font></div>
<p><font size=2 face="sans-serif"><b>Laugardaginn 28. nóvember verður sýningin
<i>Ása G. Wright – frá Íslandi til Trinidad </i>opnuð í horninu á 2. hæð
Þjóðminjasafns Íslands. Á sýningunni getur að líta hluta þeirra gripa sem
Ása gaf safninu á 7. áratug síðustu aldar. Margir gripanna hafa ekki verið
sýndir áður. Sýningin er sett upp samhliða útkomu nýrrar ævisögu Ásu en
Inga Dóra Björnsdóttir mannfræðingur hefur ritað bókina <i>Kona þriggja
eyja</i> um ævi Ásu og kom hún út hjá Forlaginu nýlega.</b></font>
<div align=center>
<p><img src=cid:_1_15B1223415B11E780055BDBD0025767B></div>
<br><font size=2 face="sans-serif">Áslaug Guðmundsdóttir, eða Ása G. Wright,
fæddist að Laugardælum í Ölfusi 12. apríl 1892. Hún lést í Port of
Spain á eynni Trinidad í Karíbahafinu 6. febrúar 1971. Líf hennar var sannkallað
ævintýri frá því hún var ung læknisdóttir á Íslandi þar til hún á efri
árum rak gistiheimili í náttúruparadís á hitabeltiseyju. Persónuleiki Ásu
var stór í sniðum, hún lét hendur standa fram úr ermum og er hverjum þeim
eftirminnileg sem henni kynntust. Hún var af fyrirmönnum komin og
var ákaflega stolt af uppruna sínum og vildi halda minningu ættarinnar
á lofti. </font>
<p><font size=2 face="sans-serif">Ása var velgjörðarmaður Þjóðminjasafns
Íslands og gaf safninu hluta búslóðar sinnar ásamt veglegri fjárupphæð.
Árið 1968 var stofnaður minningarsjóður Ásu Guðmundsdóttur Wright.
Sjóðurinn er í vörslu Þjóðminjasafns Íslands og er ætlað að standa straum
af heimsóknum erlendra fræðimanna til landsins, til að flytja fyrirlestra
á vegum safnsins um þætti í norænni menningu. Fyrirlestrar sjóðsins hafa
verið gefnir út í sérstakri ritröð. Nýjasta ritið, sem er númer þrettán
í ritröðinni, ber heitið <i>Islands fine sølv </i> en ritin eru fáanleg
í safnbúð Þjóðminjasafnsins.</font>
<p><font size=2 face="sans-serif">Með bestu kveðju,</font>
<br><font size=2 face="sans-serif">Helga Vollertsen</font>
<br><font size=2 face="sans-serif">Kynningarstjóri</font>
<br><font size=2 face="sans-serif">Þjóðminjasafni Íslands</font>
<br><font size=2 face="sans-serif">v/Suðurgötu</font>
<br><font size=2 face="sans-serif">101 Reykjavík</font>
<br><font size=2 face="sans-serif">s. 5302222/gsm 8242039</font>