<div align=center>
<br><font size=4 face="Calibri"><b>Hádegisfyrirlestur um varðveislu gripa
og listaverka í heimahúsum</b></font></div>
<br>
<br><font size=3 face="Calibri"><b>Þriðjudaginn 10. nóvember mun Nathalie
Jacqueminet fagstjóri forvörslu við Þjóðminjasafn Íslands gefa góð ráð
um meðhöndlun gamalla gripa og listaverka í heimahúsum. </b></font>
<p><font size=3 face="Calibri"><b>Safngripir hafa margir verið geymdir
lengi í heimahúsum áður en þeir berast á safn. Við erum öll safnarar af
einhverju tagi og því er óhætt að segja að á hverju heimili sé einkasafn.
En hvernig er best að hugsa um sitt eigið safn til að koma í veg fyrir
skemmdir? </b></font>
<br><font size=3 face="Calibri"><b>Nathalie mun veita ráðleggingar um staðsetningu,
meðhöndlun og geymslu málverka, teikninga, textíla, ljósmynda, smámuna
o.s.frv.</b></font><font size=5 face="Calibri"><b> </b></font>
<div align=center>
<p><img src=cid:_1_0D7910080D790DE0005688CD00257666>
<p><font size=3 face="Calibri"><b>Fyrirlesturinn hefst kl. 12:05 í fyrirlestrasal
safnsins.</b></font>
<br><font size=3 face="Calibri"><b>Aðgangur er ókeypis og allir velkomnir.</b></font></div>
<p><font size=3 face="Calibri">Forvarsla er þverfagleg starfsgrein sem
hefur það að markmiði að stuðla að langtímavarðveislu hvers konar menningarsögulegra
gripa, til dæmis listaverka, forngripa, bóka og handrita. Þar sem þessir
gripir geta verið af ólíku tagi, sérhæfa forverðir sig innan ákveðinna
greina forvörslu, svo sem málverkaforvörslu, forngripaforvörslu, textílforvörslu
og pappírsforvörslu.</font>
<p><font size=3 face="Calibri">Í forvörslu mætast ólíkar fræðigreinar,
svo sem efnafræði, eðlisfræði, líffræði, listasaga, fornleifafræði, sagnfræði,
þjóðfræði og siðfræði. Forvarsla gripa byggist á skilningi á vísindalegum
eiginleikum þeirra efna sem gripirnir eru skapaðir úr, hvernig þessi efni
eldast og bregðast við áhrifum umhverfisins. Þessi vitneskja gerir forvörðum
kleift að koma í veg fyrir skemmdir á gripum með því ð hefta eyðileggjandi
áhrif umhverfisins. Einnig er sögulegt (menningarsögulegt og listsögulegt)
samhengi gripanna mikilvægt og getur því haft mikil áhrif á meðferð þeirra.
Öll efni sem notuð eru í viðgerðir eru vandlega valin með tilliti til þess
að þau skaði ekki gripina og að unnt sé að fjarlægja þau síðar. &nbsp;
</font>
<p><font size=2 face="Calibri">Með bestu kveðju,</font>
<br><font size=2 face="Calibri">Helga Vollertsen</font>
<br><font size=2 face="Calibri">Kynningarstjóri</font>
<br><font size=2 face="Calibri">Þjóðminjasafni Íslands</font>
<br><font size=2 face="Calibri">v/Suðurgötu</font>
<br><font size=2 face="Calibri">101 Reykjavík</font>
<br><font size=2 face="Calibri">s. 5302222/gsm 8242039</font>