<!DOCTYPE html PUBLIC "-//W3C//DTD HTML 4.01 Transitional//EN">
<html>
<head>
<meta content="text/html;charset=ISO-8859-1" http-equiv="Content-Type">
</head>
<body bgcolor="#ffffff" text="#000000">
<br>
<div align="center"><b><big><br>
Haustþing Þjóðfræðistofu - Skráning í vettvangsferð og mat <br>
<br>
<br>
</big></b></div>
<br>
Þjóðfræðistofa býður alla velkomna á Haustþing, laugardaginn 13.
september kl. 15:00, á Hólmavík þar sem fræðasetrið verður kynnt fyrir
áhugasömum. Þá mun Cliona O'Carroll flytja erindi um gerð
þjóðfræðilegra útvarpsþátta en Cliona er lektor við Háskólann í Cork á
Írlandi og situr í fagráði Þjóðfræðistofu. Þá verður farið í
vettvangsferð um nátturu og minjar Stranda og slegin upp veisla.
<br>
<br>
Þjóðfræðistofa er rannsóknarstofnun og fræðasetur sem starfrækt er
á Ströndum og sinnir rannsóknum og miðlun á landsvísu. Fyrirhugað er að
hún verði sjálfbær vinnustaður háskólamenntaðra starfsmanna sem hafa
menntun í íslenskum fræðum, þjóðfræði, sagnfræði og miðlun
menningarsögu. Á Þjóðfræðistofu er unnið að rannsóknar- og
miðlunarverkefnum um íslenska þjóðfræði og margvíslegum
samvinnuverkefnum á sviði þjóðfræði, menningar og lista. Á meðal
yfirstandandi verkefna eru rannsóknir á ímynd Íslendinga, matarmenningu
og gerð heimildamyndar um slóðir Gísla sögu Súrssonar. Jafnframt kemur
Þjóðfræðistofa að upplýsingamiðstöð um íslenska þjóðtrú og þjóðfræði,
þar sem veittar eru upplýsingar og fyrirspurnum svarað frá fjölmiðlum,
listamönnum, stofnunum og einstaklingum, bæði hér á landi og erlendis
frá.
<br>
<br>
Erindi Cliona O'Carroll nefnist "How's it going, boy?": community
ethnography for radio in Cork, Ireland. Þar fjallar hún um hið
svokallaða Northside Folklore Project sem er samfélagsdrifin
þjóðfræðisöfnun þar sem safnað var frásögnum fólks í Cork á Írlandi.
Gerð var þjóðfræðileg útvarpsþáttaröð sem kannaði borgina frá
sjónarhóli íbúanna og endurspeglaði þannig fjölbreyttan
þjóðernisbakgrunn og persónulegar upplifanir fjölmargra Corkverja.
Verkefnið vakti upp margar spurningar um samspil þjóðfræði og
fjölmiðlunar, fólksflutninga og staðarvitund og hvaða hagnýtu
möguleikar kunni að felast í samfélagslegum þjóðfræðiverkefnum. Nánar
um verkefnið á <a class="moz-txt-link-freetext"
href="http://www.ucc.ie/research/nfp/">http://www.ucc.ie/research/nfp/</a>.
Erindið verður flutt á ensku.
<br>
<br>
Skráning í vettvangsferð, mat og allar frekari upplýsingar gefur
Kristinn Schram - netfang <a class="moz-txt-link-abbreviated"
href="mailto:kristinn@akademia.is">kristinn@akademia.is</a> .
<br>
<br>
<br>
<br>
</body>
</html>