<br><font size=3 face="Arial">Fréttatilkynning:<br>
<br>
<b>Fræðimaðurinn Jón Ólafsson</b>. <b>Málþing á degi íslenskrar tungu,
16. nóvember 2005</b><br>
<br>
Á undanförnum mánuðum hefur þess verið minnst að liðin eru 300 ár frá fæðingu
fornfræðingsins Jóns Ólafssonar, sem kenndi sig við Grunnavík. Hann ólst
upp í Víðidalstungu, fór til Kaupmannahafnar 1726, varð þá skrifari Árna
Magnússonar handritasafnara og skráði allt safn hans að honum látnum 1730.
Jón starfaði síðan að íslenskum fræðum við Árnasafn í Kaupmannahöfn til
æviloka 1779. Hann uppskrifaði aragrúa rita, samdi mikla íslensk-latneska
orðabók, íslenskt rithöfundatal, ævisögu Árna Magnússonar og fjölda annarra
fróðleiksverka sem oft og víða er vitnað til.<br>
</font>
<br><font size=3 face="Arial">Jóni til heiðurs var opnuð sýning á Þjóðminjasafni
Íslands 16. ágúst sem ber heitið "Eldur í Kaupinhafn - 300 ára minning
Jóns Ólafssonar úr Grunnavík." Jafnframt var þá kynnt útgáfa á merku
riti Jóns, "Relatio af Kaupinhafnarbrunanum 1728". Sýningin stendur
til 1. desember. </font>
<br>
<br><font size=3 face="Arial">Á menningarnótt, 20. ágúst, var sérstök dagskrá
í Þjóðminjasafni helguð Jóni og nú á degi íslenskrar tungu, miðvikudaginn
16. nóvember, verður enn dagskrá í hans nafni, <b>"Fræðimaðurinn Jón
Ólafsson"</b>. </font>
<br>
<br><font size=3 face="Arial">Málþingið fer fram í Þjóðminjasafni Íslands.
Þar flytur Guðrún Kvaran, forstöðumaður Orðabókar Háskólans, erindi um
málfræðistörf Jón Ólafssonar; lesið verður upp úr nokkrum verkum hans;
og loks flytur Svavar Sigmundsson, forstöðumaður Örnefnastofnunar, erindi
um málrækt í ritum Jóns Ólafssonar.<br>
</font>
<br><font size=3 face="Arial">Málþingið hefst kl. 12.15 og stendur í u.þ.b.
klukkustund. Að því standa Góðvinir Grunnavíkur-Jóns í samvinnu við Þjóðminjasafn
Íslands. </font>
<br><font size=3 face="Arial">Allir eru velkomnir og aðgangur ókeypis.</font>
<br><font size=2 face="sans-serif"><br>
Kær kveðja,<br>
_________________________________________<br>
Gísli Sverrir Árnason kynningarstjóri/Public Relations Manager<br>
Þjóðminjasafni Íslands/National Museum of Iceland<br>
Suðurgötu 41, 101 Reykjavík<br>
Sími/Tel.: 530 2200 og/and 530 2209. GSM: 824 2039<br>
gisli.sverrir@thjodminjasafn.is<br>
www.thjodminjasafn.is/www.nationalmuseum.is</font>