<html>

<body>

<br>

Íslenskur tónlistararfur í Þjóðmenningarhúsinu á Vetrarhátíð<br>

Sunnudaginn 20. febrúar kl. 14 efnir Þjóðmenningarhúsið til dagskrár í

tengslum við þemasýninguna Íslenskur tónlistararfur.<br><br>

Njáll Sigurðsson flytur erindið Silfurplötur Iðunnar - merkur áfangi í

sögu hljóðritunar.<br><br>

Árni Heimir Ingólfsson flytur erindið Tvísöngur á Íslandi í aldanna

rás.<br><br>

Þeim til fulltingis verða kvæðamenn og söngvarar.<br><br>

Allir eru velkomnir að hlýða á dagskrána og aðgangseyrir er

enginn.<br><br>

Njáll Sigurðsson er verkefnisstjóri við hljóðritasafn Stofnunar Árna

Magnússonar á Íslandi. Hann hefur samið og séð um útgáfu á ýmsum ritum

sem tengjast tónmennta- og tónlistarfræðslu og skrifað um

tónlistarsöguleg efni.<br><br>

Árni Heimir Ingólfsson kennir við tónlistardeild Listaháskóla Íslands.

Hann skrifaði doktorsritgerð um tvísönginn við tónvísindadeild

Harvardháskóla og hefur ritað fjölda greina um tónlist og

tónlistarsögu.<br><br>

ÞJÓÐMENNINGARHÚSIÐ<br>

Hverfisgötu 15, 101 Reykjavík, s. 545-1400<br>

thjodmenning@thjodmenning.is<br>

<a href="http://www.thjodmenning.is/" eudora="autourl">www</a><a href="http://www.thjodmenning.is/" eudora="autourl">.thjodmenning.is<br>

</a></body>

</html>