[Gandur] Fyrsta málþing um Sigurð Guðmundsson og Kvöldfélagið 1857-1874
Terry Gunnell
terry at hi.is
Thu Mar 1 14:26:41 GMT 2012
Laugardaginn 17. mars, frá 10:00 til 15:45, í fyrirlestrarsal
Þjóðminjasafnsins,
verður haldið fyrsta málþingið af þremur í tengslum við verkefnið:
Menningarsköpun: Fræðilegir áhrifavaldar, uppsprettur innblástrar og
langtímaáhrif menningarsköpunar Sigurðar málara og Kvöldfélagsmanna
1857-1874.
Verkefnið, undir forsjá Terry Gunnell, þjóðfræðiprófessors við HÍ, er
þriggja ára þverfagleg rannsókn styrkt af Rannís og er fyrsta starfsárinu nú
nýlokið. Á málþinginu verða kynntar hinar ýmsu hliðar verkefnisins og fyrstu
niðurstöður, en meginmarkmið fyrsta árins var að kanna tíðaranda
tímabilsins, hugmyndafræðilegan bakgrunn Sigurðar málara og samstarfsfólks
hans, sem og ástand mála á hinum mörgu sviðum þar sem þau létu að sér
kveða. Því mun farið um víðan völl og fjallað um orðræðu, fræðilegar
aðferðir, akademískt líf í Kaupmannahöfn, þjóðlega húsagerðarlist ,
þjóðlegan klæðnað, leikhúsfræði, þjóðsagnasöfnun og að lokum Kvöldfélagið
sjálft.
Verkefnið er unnið í samvinnu við Háskóla Íslands,
Landsbókasafn/Háskólabókasafn, Þjóðminjasafn Íslands, Þjóðskjalasafnið og
Stofnun Árna Magnússonar í íslenskum fræðum.
Málþingið hefst klukkan 10:00 og stendur yfir til 15:45 með stuttum hléum.
Fundarstjóri er Elsa Alfreðsdóttir, þjóðfræðingur.
DAGSKRÁ
10:00-10:15
Inngangur og yfirlit
Margrét Hallgrímsdóttir, þjóðminjavörður
Karl Aspelund, lektor við University of Rhode Island
10:15-11:15
Guðmundur Hálfdanarson, prófessor í sagnfræði við Háskóla Íslands:
Hvad udad tabes, skal indad vindes:
Orðræða um danskt og íslenskt þjóðerni á tímum Sigurðar málara
Sveinn Yngvi Egilsson, prófessor í íslenskum bókmenntum við Háskóla Íslands:
Winckelmann og menningarviðleitni Sigurðar málara
11:15-11:30 Hlé
11:30-12:30
María Kristjánsdóttir, leikhúsfræðingur:
Sigurður málari í Listaakademíunni.
Sigurjón Baldur Hafsteinsson, dósent í safnafræði við Háskóla Íslands:
Íslenskur arkitektúr, dönsk kúgun og Sigurður Guðmundsson
12:30-13:15 Hádegishlé
13:15-14:15
Karl Aspelund, lektor í hönnun og búningafræðum, University of Rhode Island:
Skáldskapur þjóðanna: Siggi séní og sköpun menningarmarka
með kvenbúnaði í nýju samfélagi 19. aldar.
Sveinn Einarsson, leikhúsfræðingur og leikstjóri:
Hver var leikhússýn Sigurðar málara?
14:15-14:30 Hlé
14:30-15:30
Terry Gunnell, professor í þjóðfræði við Háskóla Íslands:
Ástandið í þjóðsagnasöfnun þegar Sigurður kemur heim 1858.
Eiríkur Valdimarsson, MA, þjóðfræðingur og stundakennari við Háskóla
Íslands:
...að lífga anda sinn á þann hátt, er samboðinn sé andlega og
siðferðislega menntuðum úngmennum.
Nokkur augnablik frá fundum Kvöldfélagsins.
15:30-15:45
Lok og umræða um framhald verkefnisins
-------
Nánari lýsingar á fyrirlestrum og örlítið um verkefnið má finna á
vefsíðu verkefnisins: www.sigurdurmalari.hi.is
<http://www.sigurdurmalari.hi.is/>
More information about the Gandur
mailing list