[Gandur] Nýtt fólk í stjórnmálaumræðu millistríðsáranna - rannsóknarkvöld Félags íslenskra fræða

[Eydis Bjornsdottir]

---------- Forwarded message ----------
From: "Yelena Sesselja Helgadóttir" <sesselja at hi.is>
To: hi-starf at hi.is, "Arnastofnun at ve.Rhi.Hi.Is" <arnastofnun at ve.rhi.hi.is>,
gandur-bounces at listar.hi.is
Date: Tue, 14 Apr 2009 09:02:39 +0000
Subject: Nýtt fólk í stjórnmálaumræðu millistríðsáranna - rannsóknarkvöld
Félags íslenskra fræða

Rannsóknarkvöld Félags íslenskra fræða í húsi Sögufélags við Fischersund *nk.
fimmtudag klukkan 20*.
Fyrirlesari er dr. *Ragnheiður Kristjánsdóttir*, aðjúnkt í sagnfræði við
Háskóla Íslands. Í erindi sínu kynnir hún afmarkaða þætti doktorsritgerðar
sinnar Nýtt fólk. Þjóðerni og íslensk verkalýðsstjórnmál 1901–1944. Hún
lýsir því nánar á þennan veg:

Segja má að á árunum milli stríða hafi stjórnmálabarátta verkalýðsflokkanna
tveggja, Alþýðuflokks og Kommúnistaflokks miðað að því að berjast fyrir
viðurkenningu á því að verkafólk væri fullgildir íslenskir borgarar. Í því
fólst meðal annars tilraun til að endurmóta íslenska þjóðernisstefnu. Báðir
flokkar réðust gegn þeim þáttum hennar sem samrýmdust illa sósíalískri
stjórnmálaorðræðu, endursögðu þjóðarsöguna og skilgreindu upp á nýtt og á
sínum forsendum grunnþætti íslenskrar þjóðernissjálfsmyndar. Engu að síður
snerti þjóðernisstefna stórnmálastarf flokkanna tveggja með mjög ólíkum
hætti.

Færa má rök fyrir því að þjóðernisstefna hafi átti sinn þátt í að tryggja
kommúnista- og síðar sósíalistahreyfinguna í sessi. Áhrifin á Alþýðuflokkinn
hafi hins vegar verið þveröfug. Íslensk þjóðernisstefna hafi hindrað vöxt
hans. Höfundur ætlar að gera grein fyrir því hvernig hún kemst að
ofangreindri niðurstöðu.
*Allir velkomnir.*


Með bestu kveðjum
Yelena Sesselja Helgadóttir
ritari Félags íslenskra fræða
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20090414/f405de7c/attachment.html