[Gandur] 21 Manns saknað - einleikur
Aðalheiður Guðmundsdóttir
adalh at hi.is
Sun Nov 23 13:49:48 GMT 2008
21 Manns saknað - einleikur í Saltfisksetrinu í Grindavík, Hafnargötu
12a
Einleikur um epíska ævi Séra Odds V. Gíslasonar mesta braskmennis
síns tíma.
Á seinni hluta nítjándu aldar, þegar stór hluti þjóðarinnar bjó enn í
torfkofum og sjómenn réru á opnum bátum var prestur suður í Staðarsókn í
Grindavík sem ekki gat sætt sig við að Íslendingar stæðu utan við þá
iðnbyltingu sem hafði átt sér stað í Evrópu. Það var Séra Oddur V.
Gíslason.
21 Manns saknað segir frá Séra Oddi og þeim framúrstefnulegum verkefnum
sem hann tók sér fyrir hendur: lýsisbræðslu á Höfnum,
brennisteinsnámuvinnslu í Krýsuvík, kolanámuvinnu við Hreðavatn,
baráttunni við fátæktina og bakkus. Hann var maðurinn sem lagði grunninn
að slysavörnum á Íslandi, kom út fyrstu kennslubók í ensku fyrir
Íslendinga og þá stóð hann fyrir einu frægasta brúðarráni á
Íslandi... en
aldrei hélst honum á peningum. Maðurinn sem barðist við að bjarga
heiminum
allt sitt líf.
Leikari: Víðir Guðmundsson Leikstjórn: Bergur Þór Ingólfsson Leikmynda -
og búningahönnun: Eva Vala Guðjónsdóttir Dramatúrg: Guðmundur
Brynjólfsson
Handrit: Guðmundur Brynjólfsson Bergur Þór Ingólfsson Víðir Guðmundsson
Framkvæmdastjórn: Sólveig Guðmundsdóttir
Sýningin er sett upp í samstarfið við Grindavíkurbæ og Bláa Lónið.
Sjá nánar um sýningar og tengd tilboð á www.grindavik.is eða midi.is
og í
Saltfisksetrinu s. 4201190
More information about the Gandur
mailing list