[Gandur] Páskaganga
Adalheidur Gudmundsdóttir
adalh at hi.is
Wed Mar 19 11:18:16 GMT 2008
Spennandi páskadagskrá.
Á annan í páskum verður boðið upp á gönguferð með leiðsögn í boði Bláa
Lónsins og Grindavíkurbæjar. Gangan hefst kl. 13.00 við bílastæði Bláa
lónsins og er áætlað að hún taki um 2-3 klukkustundir. Enginn
þátttökukostnaður er í gönguna.
Gengið verður m.a. um mosagróið Illahraun, framhjá Rauðhól (gígnum sem
hraunið kom úr á sögulegum tíma), farið með Skipstíg, fornri þjóðleið,
haldið austur með suðurhlíðum Þorbjarnarfells og inn á Baðsvelli. Þar
er ætlunin m.a. að kíkja á þjófaslóðir og hin gömlu sel Grindvíkinga.
Þá verður gengið yfir að svæði Hitaveitu Suðurnesja og um hið
litskrúðuga lónssvæði að lækningalindinni og endað í heilsulind.
Reynt verður að hafa ferðina og fræðsluna þannig að börn jafnt sem
fullorðnir hafi gagn og gaman af. Góður skófatnaður æskilegur og gott
að taka með sér smá nesti. Allir á eigin ábyrgð. Í lok göngu verður
tilboð, 2 fyrir 1 ofan í lónið, vatnsleikfimi kl. 16.30 og spennandi
páskamatseðill á Lava veitingastaðnum. Sjá nánar á www.bluelagoon.is
Jafnframt er tilvalið að koma við í Listsýningarsal Saltfisksetursins
í Grindavík og skoða áhugaverða sýningu Fríðu Rögnvaldsdóttur, Forkar
og fagrar meyjar. Opnunartími frá kl. 11 – 18. Sjá nánar á www.saltfisksetur.is
kveðja
Sigrún Jónsd. Franklín
sjf menningarmiðlun
sjf at internet.is
-------------- next part --------------
Skipped content of type multipart/mixed
More information about the Gandur
mailing list