[Gandur] Á lyktun fagmennta ð ra lei ðsö gumanna fer ð amanna vegna hvalvei ð a Í slendinga
valsson at centrum.is
valsson at centrum.is
Fri Nov 3 08:29:09 GMT 2006
Ályktun fagmenntaðra leiðsögumanna ferðamanna vegna hvalveiða Íslendinga
Fundur haldinn á vegum Fagdeildar Félags leiðsögumanna á Kornhlöðuloftinu við Lækjargötu 1. nóvember 2006, lýsir yfir áhyggjum af hugsanlegum slæmum áhrifum hvalveiða á ferðaþjónustu á Íslandi.
Framsögumaður á fundinum var Ásbjörn Björgvinsson, forstöðumaður Hvalamiðstöðvarinnar á Húsavík.
Á fundinum kom fram að tæplega 90.000 erlendir ferðamenn fóru í hvalaskoðunarferðir á Íslandi í ár sem er metfjöldi. Talið er að tekjur af hvalaskoðun nemi hátt í 3 milljörðum íslenskra króna. Um 100 Íslendingar hafa atvinnu af hvalaskoðun beint og óbeint.
Ásbjörn greindi frá viðhorfskönnun sem Rannsóknarstofnun Háskólans á Akureyri vann fyrir Ferðamálasetur Íslands meðal 1.143 ferðamanna í hvalaskoðunarferðum árið 2002. Þar koma fram mjög athyglisverðar niðurstöður um ólík viðhorf hvalaskoðenda eftir þjóðerni. Niðurstöðurnar eru sláandi hvað varðar ákveðna afstöðu Breta og Þjóðverja gegn hvalveiðum á meðan Norðmenn og Japanir taka ekki slíka afstöðu.
Bretar og Þjóðverjar eru einmitt meðal fjölmennustu ferðamannaþjóða sem hingað koma og skila hvað mestum tekjum.
28% þáttakenda sögðu hvalaskoðun hafa haft áhrif á ákvörðun þeirra að koma til Íslands.
44% þátttakenda sögðust ekki taka þátt í hvalaskoðunarferð ef Íslendingar stunduðu hvalveiðar.
Má skoða mjög ítarlegar niðurstöður þessarar könnunar á heimasíðunni:
http://www.fmsi.is/Hvalaskodun.pdf
Sendandi þessarar tilkynningar er Stefán Helgi Valsson, ritstjóri vefsíðu og Fréttabréfs leiðsögumanna - www.touristguide.is, í umboði fundarritara og formanns Félags leiðsögumanna.
Stefán Helgi Valsson
valsson at centrum.is
Sími 8972790
More information about the Gandur
mailing list