[Gandur] Um munnlega frásagnarhefð á Grænlandi fyrr og síðar

[Rósa Þorsteinsdóttir]

Stofnun Vigdísar Finnbogadóttur kynnir:

Von er á fræðimanninum Kirsten Thisted til landsins.
Málstofa 8.mars í Háskóla Íslands, Lögbergi, stofu 101, kl. 10-13.

Næstkomandi laugardag, mun Kirsten Thisted halda málstofu í Háskóla Íslands
sem kallast "Um munnlega frásagnarhefð á Grænlandi fyrr og síðar". Málstofan
er sem fyrr sagði laugardaginn, 8. mars í Lögbergi, stofu 101 frá kl. 10-13.

Dr. Kirsten Thisted er lektor við Stofnun norrænna fræða í Hafnarháskóla. Í
nýlegri grein Vilborgar Davíðsdóttur, rithöfundar og þjóðfræðinema, sem
birtist í Morgunblaðinu laugardaginn 1. mars er munnlegri frásagnarhefð á
Grænlandi gerð góð skil og meðal annars rætt um túlkun fræðimanna á borð við
Kirsten Thisted. Þar kemur fram að í einni bók sinni reki Kirsten Thisted
ítarlega skráningarsögu þjóðsagna um samskipti inúíta og norrænna manna og
færir út frá henni ýmis rök fyrir þeirri niðurstöðu sinni að enda þótt
sögurnar geti engan veginn talist heimild sem veiti innsýn í sannsögulega
atburði í samskiptum þjóðanna tveggja, þá leiði greining þeirra í ljós að
þær hafi frábært heimildagildi um samskipti inúíta og Evrópumanna á
Grænlandi á 18. og 19. öld
(Thisted, Kirsten (2001). On Narrative Ecpectations: Greenlandic Oral
Tradition about the Cultural Encounter between Inuit and Norsemen. Í
Scandinavian Studies 73(3): 253-296.)

Nánari upplýsingar um Kirsten Thisted fylgja.

Efni málstofunnar á laugardaginn:

Frá Kisten Thisted:

"Kirsten Thisted, mag.art i nordisk litteratur, Ph. d., lektor ved Afdeling
for Minoritetsstudier, Institut for Nordisk Filologi, Københavns Universitet

MUNDTLIG FORTÆLLEKUNST I GRØNLAND - FØR OG NU
Islændingenes rejser og bosættelse i Grønland kender vi fra sagaerne. Men
hvordan beretter grønlænderne om mødet?
Nordbosagnene udgør en vigtig del af den grønlandske fortælletradition,
nedskrevet af grønlænderne selv i midten af 1800-tallet og illustreret af
Aron fra Kangeq.
Foredraget kommer også ind på den berømte danske polarforsker Knud
Rasmussen, som havde grønlandsk blod i årerne og talte sproget flydende.
Endelig vises klip (og fraklip) fra den danske instruktør Karen Littauers
nye dokumentarfilm: "Eqqaamavara, Jeg husker", om den mundtlige
fortællekunst således som denne stadig lever i Grønland i dag."

Málstofan er hluti af fyrirlestraröð um grænlenskt mál og menningu sem
Stofnun Vigdísar Finnbogadóttur stendur fyrir ásamt Norræna hússinu og
vestnorræna menningarsetrinu í Hafnarfirði. Fyrirlestraröðin er styrkt af
Norrænu ráðherranefndinni. Málstofan fer að mestu leyti fram á dönsku.

Allir velkomnir.

Nánari upplýsingar veitir

Guðný Guðlaugsdóttir
Verkefnastjóri
Stofnun Vigdísar Finnbogadóttur
Nýja Garði
S: 525 41 91