[Gandur] frumheimildir um galdra á Íslandi

[mariaasm@hi.is]

Heil og sæl,

María heiti ég og er nemi í latínu og grísku við HÍ.  Sem stendur er ég
Erasmus skiptinemi við Bologna Háskóla á Ítalíu.

Þannig er mál með vexti að ég sæki handritanámskeið (papirologia) þar sem
við lesum frumheimildir, frá 1.öld til 4. aldar e.kr., um galdra og seiði
í Egyptalandi.  Þær fela í sér uppskriftir að hinum ýmsu brögðum og
álögum.

Nú hef ég verið beðin um að halda fyrirlestur um álíka efni á Íslandi, og
þá frumheimildir frá íslenskri fornöld, í lok apríl.

Getið þið ráðlagt mér hvernig ég á að snúa mér í þessum efnum og hvaða
greinar eða kafla í bókum ég get fengið sent til mín.

Eru til varðveitt galdratákn frá forn- og miðöldum Íslendinga.  Það kæmi
sér afar vel að sýna einhver slík forn tákn.  Á við að fjalla um
Ægishjálminn sem dæmi og fjölkynngi í Norrænum trúarbrögðum, svo sem
Völuspá?

Eru til einhverjar uppskriftir eða kennslurit í göldrum frá þessum tíma?

Með fyrirfram þakkir og von um góð viðbrögð,

María Ásmundsdóttir