<div>======================<br>
<br>
Þorraþing Veðurfræðifélagsins verður sett föstudaginn 13. febrúar kl. 13:15 í Víðgelmi í Orkugarði að Grensásvegi 9. Í framhaldi af þinginu heldur félagið aðalfund sinn og fundarhöldum lýkur um kl. 16:30.<br>
<br>
Dagskráin er sem hér segir:<br>
<br>
Þorraþing:<br>
----------<br>
13:15 Einar Sveinbjörnsson - Seltuveður 18. september 2008 og tegundir seltuveðra suðvestanlands.<br>
13:30 Sveinn Brynjólfsson - Um úrkomu og snjóflóð á Tröllaskaga.<br>
13:45 Trausti Jónsson - Úrkoma í grennd - dægur, árstíða- og langtímasveiflur.<br>14:00 Sigurður Þorsteinsson - Tíðindi af hlélægð Grænlands.<br>
Stutt hlé<br>14:15 Guðrún Nína Petersen - GFDex þá og nú.<br>14:30 Kristján Jónasson - Eyður í mælingarunum og mat á samdreifnifylki Gauss-dreifingar.<br>
14:45 Hálfdán Ágútsson - Ógleði í flugi austan Öræfajökuls.<br>
15:00 Haraldur Ólafsson - Tóbinröstin mæld.<br>
<br>
Kaffihlé<br>
--------<br>
<br>
Aðalfundur<br>
-----------<br>
i Starfsskýrsla<br>
ii Fjármál<br>
iii Kosningar<br>
iv Önnur mál<br>
<br>
<br>
Erindin er um 12 mínútur að lengd auk um 2 mínútna til spurninga og umræðu. Útdrættir valinna erinda eru aftan við skeytið.<br>
<br>
Sjáumst á föstudaginn,<br>
stjórnin<br>
<br>
<br><br>
======================<br>
<br>
<br><br>Einar Sveinbjörnsson, veðurfræðingur:<br>
Seltuveður 18. september 2008 og tegundir seltuveðra suðvestanlands.<br>
<br>
18. september gerði allhvassa SV-átt með nokkurri seltumóðu í lofti suðvestanlands. Hægt var að rekja þurrt loftið ofan af Grænlandi og í<br>
lægri lögum var það komið yfir Grænland frá Labrador. Eins og svo oft áður urðu truflanir í raforkuflutnngskerfinu og m.a. varð skammhlaup í<br>
Brennimel í Hvalfirði og 300 MW álag leysti út. Ekki er mikil þekking á uppruna seltu í þessum veðrum annað en það að vitað er að saltið kemur<br>
vitanlega úr sjónum. Hluti þess berst í loftið í brimi við Reykjanes og með Suðurströndinni, en minna er vitað um þátt mikillar veðurhæðar á<br>
rúmsjó þegar sjór tekur að rjúka í verulegum mæli og saltagnir verða eftir við uppgufun.<br>
<br>
<br>
Kristján Jónasson, stærðfræðingur:<br>
Eyður í mælingarunum og mat á samdreifnifylki Gauss-dreifingar.<br><br>Undanfarin þrjú ár hef ég verið að skrifa forrit í Matlab og C til að reikna sennileikafall fyrir svonefnd eiginaðhvarfslíkön af tímaröðum sem vantar inn í. Oft er táknunin VARMA(p,q) notuð til að lýsa þessum líkönum, þar sem p er fjöldi eiginaðhvarfsliða og q er fjöldi hreyfimeðaltalsliða. Sértilvikið p = q = 0 svarar til þess að fyrir liggi úrtak fengið með Gauss-dreifingu, og í ljós hefur komið að það er ekki erfitt að laga forritin að þessu tilviki. Þar með sé ég fram á að brátt rætist gamalt markmið frá árinu 1994, sem er að geta með sjálfvirkum hætti fyllt upp í meðaltalsrunur veðurmælinga (t.d. hita) frá veðurstöðvum þar sem mælt hefur verið á mismunandi tímabilum.<br>
<br>
<br>Haraldur Ólafsson, veðurfræðingur:<br>Tóbínhöfðaröstin.</div>
<div> </div>
<div>Tóbínhöfðavindröstin var mæld í mars 2008. Hitahvarf var í um 900 hPa hæð og í grennd við hitahvarfið var bálhvasst. Þar fyrir ofan og neðan var mun hægari vindur. Hitahvarfið hallar til austurs og það gerir vindröstin líka. Svo hvasst er að þegar vindurinn skellur á hinu 3700 m háa Gunnbjarnarfjalli kemst mest af loftinu yfir fjallið, en við það verður mikil lóðrétt blöndun. <br>
<br><br>Guðrún Nína Petersen, veðurfræðingur:<br>GFDex þá og nú: Litið um öxl og svo arkað fram.<br>
<br>
Nú eru liðin 2 ár síðan hópur veðurfræðinga settist að í Keflavík í 3 vikur og stóð fyrir rannsóknaflugi á Íslands-Grænlandssvæðinu. Það er því ekki úr vegi<br>
að líta aðeins um öxl og rifja upp hvað fór fram á þessum þremur vikum. Í framhaldi verður stiklað á stóru um þá vinnu sem fór fram í framhaldi af<br>
vettvangskönnunninni og hvar við stöndum í dag. <br>
<br><br>Hálfdán Ágústsson, veðurfræðingur:<br>Ógleði í flugi austan Öræfajökuls.<br><br>Þann 18. nóvember síðastliðinn lenti vél flugfélagsins Ernis í mikilli ókyrrð austan Öræfajökuls á leið sinni til Hafnar í Hornafirði. Enginn viðvörun um ókyrrð hafði verið gefin út fyrir svæðið og flugmennirnir höfðu aldrei lent í viðlíka ókyrrð á flugleiðinni. Vindur var hvass og áttin vestlæg, en lofthjúpsreikningar í hárri upplausn sýna fjallabylgjur sem myndast í lofthjúpnum austan og sunnan Öræfajökuls og gætir þeirra langt út á haf. Flugleið vélarinnar lá í gegnum bylgjurnar en afar hvasst er í niðurstreyminu í hverjum bylgjudal en mikil ókyrrð undir bylgjutoppunum.<br>
<br><br></div>