[Folda] Meistaraprófsfyrirlestur / Masters defence

[Ívar Örn Benediktsson]

Meistaraprófsfyrirlestur við jarð- og landfræðiskor raunvísindadeildar
Háskóla Íslands

Föstudaginn 28. apríl 2006 kl. 13:30
í sal N-132 í Öskju-náttúrufræðahúsi, Sturlugötu 7
mun Hrafnhildur Hannesdóttir halda fyrirlestur um meistaraprófsverkefni
sitt. Erindið verður á ensku.

(English below)


Vitnisburður umhverfisbreytinga á Suðurlandi síðustu 12.000 árin - byggt
á setkjörnum og endurvarpsgögnum úr Hestvatni

Hestvatn í Grímsnesi hefur að geyma þykk setlög sem varpa ljósi á
umhverfisbreytingar frá síðjökultíma og Nútíma (síðustu  11.500 leiðr.
ár). Vatnið er staðsett 20-25 km framan við Búðagarðanna og er neðan
hæstu sjávarstöðu á Suðurlandi. Með rannsóknum á endurvarpsgögnum og  20
m löngum samfelldum setkjörnum sem teknir voru sumarið 2003, er saga
umhverfisbreytinga frá því áður en Vedde gjóskulagið féll rakin. Þessi
gögn veita upplýsingar um legu Yngri Dryas jökulsins á Suðurlandi, og
gefa nákvæma mynd af jökulhörfuninni, sem einkenndist af endurteknum
jökulhlaupum. Einangrun vatnsins frá sjó er aldursákvörðuð og bætir við
mikilvægum upplýsingum um landris og afstæðar sjávarstöðubreytingar á
síðjökultíma. Hin nýju háupplausnargögn úr Hestvatni ná yfir það tímabil
sem talið er hafa verið hvað heitast á Nútíma, og er lítt þekkt úr
íslenskum setlögum. Gögnin benda til kólnandi veðurfars á síðari hluta
Nútíma, og veita upplýsingar um áhrif landnáms á rof og setflutninga inn
í vatnið.


Leiðbeinendur eru Áslaug Geirsdóttir prófessor við Háskóla Íslands og
Gifford H. Miller prófessor við University of Colorado, Boulder

Prófdómari er Hafliði Hafliðason prófessor við Háskólann í Bergen

------------------------------------------------------------------

On Friday 28th of April 2006, 13:30 in room N-132 in Askja, Hrafnhildur
Hannesdóttir will defend her masters thesis. The talk will be in
english.


Reconstructing environmental change in South Iceland for the last ca.
12,000 years - based on sedimentological and seismostratigraphical
studies in lake Hestvatn

Hestvatn in the southern lowlands of Iceland suits well to answer
questions on the deglaciation and the Holocene (the last ca. 11,500 cal.
years), due to its strategic location and high-resolution sedimentary
sequence. Based on seismostratigraphic data and  20 m long continuous
sediment cores, retrieved from the lake in 2003, environmental change is
inferred, since prior to deposition of the Vedde tephra. The data
provides new information on the extent of the Younger Dryas glacier in
South Iceland, and a detailed picture of the deglacial environment,
characterized by jökulhlaup activity. The isolation of the lake is
pinpointed in  time, providing additional information on isostatic
rebound and relative sea level change for the southern lowlands. The new
continuous high-resolution Holocene record from Hestvatn, covers a
period of optimal Holocene climate condition that was previously poorly
known from terrestrial records in Iceland. The records provide insight
into the late Holocene, with signs of neoglaciation, and detailed
environmental information on the settlement of Iceland.